خانمە ئەكتەری ناوداری ئەمریكی كیلی برۆك ئاشكرای كرد كە لە دڵەوە حەز دەكات رۆڵی كچەكەی جیمس بۆند ببینێت و بیری لە ناوێكی تایبەتیش كردۆتەوە بۆ ئەم كەسایەتییە.
رۆژنامەی (دەیلی ستار) لە سەر زاری برۆك رایگەیاندووە كە لە دڵەوە خەون بەوەوە دەبینێت رۆڵی كچێك ببینێت لە زنجیرە فیلمی جیمس بۆند و زۆریش حەز دەكات كە رۆڵێكی كچێكی خراپكار و تاوانبار بێت.
برۆك دەربارەی حەزی بۆ بینینی ئەو رۆڵە زیاتر دەڵێ: لە هەندێك فیلمی پێشووم زۆر بە دڕندانە خەڵكم كوشتووە، بۆیە لام ئاساییە و زۆریش خۆشحاڵ دەبم ئەگەر لە فیلمێكدا بكوژرێم، تەنانەت دەتوانم نازناوی (میس فانی فانی)م لێ بنێن.