سترانبێژا ناڤدارا ئه‌مریكی لیدی گاگا، بو جارا ئێكێ دێ رولێ پاله‌وانه‌كێ فلمه‌كێ سینه‌مایی ب ناڤێ "ماشیتی دهێته‌ كوشتن" ببینیت.
ئاژانسا رۆیته‌رز یا بریتانی به‌لاڤكریه‌، رۆبێرت رودریجز ده‌رهێنه‌رێ فلمێ "ماشیتی دهێته‌ كوشتن"، ناڤێ ئه‌كته‌رێن ڤی فلمێ خویێ نو، ل مالپه‌رِێ جفاكیێ تویته‌ر به‌لاڤكریه‌، ئێك ژ وانا ژی لیدی گاگایه‌.

ئیماژه‌ دایه‌ وێ چه‌ندێ ژی، ئه‌كته‌رێن وه‌كه‌ میل گیبسۆن و چارلی شین، د ڤی فلمی دا دێ پشكدار بن.

گاگا ل دۆر ڤێ چه‌ندێ ل تویته‌ر به‌لاڤكریه‌، به‌لێ ئه‌ڤ چه‌نده‌ راسته‌... كارێ من یێ ئێكێ وه‌كه‌ ئه‌كته‌ر دێ ب رێكا فلمێ "ماشیتی دهێته‌ كوشتن" بیت یێ ده‌رهێنه‌ر رودریجز.

د سالا 2010ـێ دا، رودریجز پشكا ئێكێ یا ڤی فلمی ب ناڤێ، "ماشیتی" به‌رهه‌م ئینا و هاته‌ به‌لاڤكرن.