خانمە هونەرمەندی ناوداری لوبنانی و عەرەبی ماجیدە ئەلرومی هەفتەی ڕابردوو لە پلەی یەكەم هات وەك خاوەنی پڕفرۆشترین بەرهەمەكانی ڤێرژن مێگاستۆرز لوبنان ئەویش بە بەرهەمە نوێیەكەی كە بەر لە ماوەیەك بڵاوی كردەوە.
بەڵام ئەلیسا ئیعتیرافی بەمە نەكرد، چونكە پێشتر بۆ دوو هەفتە لەسەر یەك پلەی یەكەمی هەبوو و ئێستاش سوورە لەسەر ئەوەی كە هەر خۆی خاوەنی پلەی یەكەمە و ئیعتیراف بەوە ناكات كە ماجیدە پلەی یەكەمی بەدەستهێناوە و كاریگەریشی هەبووە لەسەر شوێنی ئەو، لەلایەن خۆیەوە ماجیدە هیچ لێدوانێكی ڕانەگەیاندووە دەربارەی ئەم هەڵوێستەی ئەلیسا و وەك هەمیشە ئەلیسا بە یەكێك لە كچە هونەرمەندە سەركەوتووەكان دادەنێت لەسەر ئاستی لوبنانی و وڵاتانی عەرەبی.