كیرۆن ولیامسۆن منداڵێكی تەمەن 9 ساڵەی ناوچەی نۆرڤوكە لە ڕۆژهەڵاتی ئینگلتەرا، بەڵام خاوەن بەهرەیەكی هونەری زۆر بەرزە لە نیگاركێشی تا وای لێهاتووە نازناوی(مۆنیەی بچووك)ی پێ بدەن.
بەم تەمەنە بچووكە خەریكە كیرۆن دەبێتە یەكێك لە ملیاردێرەكان، چونكە دوایین كۆمەڵە لە كارەكانی كە لە 24 تابلۆ پێكدێت بە بڕی 250 هەزار جونەیهی ئیسترلینی فرۆشران دەكاتە 400 هەزار دۆلار، ئەم تابلۆیانەش لە مەزادێكی ئاشكرادا بە كاتێكی پێوانەیی فرۆشران، چونكە لە ماوەی تەنیا 15 خولەكدا گشت تابلۆكانی فرۆشران چ لە ڕێگای تەلەفۆن یان ئەنتەرنێت یان بەشێوەیەكی ڕاستەوخۆ لەلایەن ئەو كەسانەی ئامادەی بوون. دایك و باوكی كیرۆن لە ساڵی 2008 هەستیان بە بەهرە لەبن نەهاتووەكانی كرد كاتێك لە یەكێك لە گەشتە خێزانییەكاندا چەند تابلۆیەكی كێشا، تابلۆكە بەشێوەیەك بوو كە بووە مایەی سەرسوڕمانی خودی بنەماڵەكەی، چونكە پێشتر تەنیا ئەو تابلۆیانەی ڕەنگ دەكرد كە ئامادە بوون و باوكی بۆی دەهێنان وەك هەر منداڵێكی دیكە، بەڵام ئێستا خەریكە دەبێتە یەكێك لە هونەرمەندە بەناوبانگەكان، چونكە تابلۆكانی بە نرخی خەیاڵی دەفرۆشرێن.