ئەستێرەكانی تیپی (سپایس گێرلز)ی مۆسیقی كۆمەڵێك كەلوپەلی كۆنی خۆیان بۆ فرۆشتن نمایش كرد و داهاتەكەشیان پێشكەش بەدوو كۆمەڵەی خێرخوازی تایبەت بەمنداڵان دەكەن. هەر یەكە لەڤیكتۆریا بێكهام و جیری هالویل و ئیما پانتۆن و میل بی و میل سی بەشێكی كەلوپەلی سەردەمی زێڕینی تیپی (سپایس گێرلز)یان بۆ فرۆشتن نمایش كرد، ئەم كەلوپەلانە بۆ ساڵانی نەوەدەكانی سەدەی ڕابردوو دەگەڕێتەوە كاتێك تیپی سپایس گێرلز لەلوتكەدا بوو، هەروەها كاریگەرییەكی زۆری لەسەر جەماوەری هونەری جێهێشت بوو لەسەرتاسەری جیهان، ئەم كارەی هونەرمەندە ناوبراوەكان هاوكاتە لەگەڵ نمایشكردنی شانۆگەرییەكی گۆرانی ئامێز تایبەت بەكاروانی هونەری تیپەكە.
ڤیكتۆریا بێكهام لەم بارەیەوە دەڵێ: تا ئێستا هەموو جلوبەرگ و كەلوپەلەكانم ماوە، چاوەڕێی ئەو ڕۆژە دەكەم كە كچەكەم گەورە بێت و هەندێكیان بۆ خۆی ببات، بەڵام ئەوانی تر دەیبەخشمە دوو كۆمەڵەی خێرخواز كە تایبەتن بەپاراستنی منداڵان بەناوی (منداڵان ڕزگار بكەن و منداڵە بێ سەرپەرشتەكان).
