بەپێی لیستی ساڵانەی گۆڤاری (فۆربس)ی تایبەت بەدەوڵەمەندترین و پڕ داهاتترین كەسایەتییەكانی جیهان، خانمە ئەكتەر كریستین ستیوارت ساڵانە خاوەنی زۆرترین كرێیە لەنێو ئەكتەران.
بەپێی گۆڤاری ناوبراو لەنێوان مانگی مایۆی 2011 تا هەمان مانگی ساڵی 2012 كریستین ستیوارت بڕی 34.5 دۆلاری دەستكەوتووە بەهۆی بەشداری كردنی لەهەردوو بەشی فیلمی (تویلایت)، چونكە داهاتی لەهەر بەشێكی فیلمەكە گەیشتە 12،5 دۆلار ئەمە جگە لەبەشی تایبەتی خۆی لەقازانجەكانی فیلمەكە.
گۆڤاری (كلۆزیر) لەم بارەیەوە رایگەیاند كە داهاتی ستیوارت لەهەردوو فیلمی (سنۆوایت و راوچی) گەیشتبووە 10 ملیۆن دۆلار ئەمەش رۆڵێكی سەرەكی هەبوو لەوەی ستیوارت پلەی یەكەم بەدەست بهێنێت لەنێو خانمە ئەكتەرەكاندا، هەر بەپێی رۆژنامەی (فۆربس) كامیرۆن دیاز بەپلەی دووەم هات بە 34 ملیۆن دۆلار و ساندرا پۆلۆك بەپلەی سێیەم هات بە 25 ملیۆن دۆلار و ئەنجلینا جۆلی كە ساڵی پار لە پلەی یەكەم بوو گەڕایەوە پلەی چوارەم بە 20 ملیۆن دۆلار، شارلز تیرۆن پلەی پێنجەمی بەركەوت بە 18 ملیۆن دۆلار و جۆلیا رۆبێرتسیش بە 16 ملیۆن دۆلار پلەی شەشەمی بەركەوت و سارا پاركەریش لەپلەی حەوتەم هات بە 15 ملیۆن دۆلار و میری ستریپیش لە پلەی هەشتەم هات بە 12 ملیۆن دۆلار و پلەی نۆیەم بە11،5 ملیۆن دۆلار بەر كریستین ولیج كەوت جنیڤەر ئەنیستۆنیش لە پلەی دەیەم و كۆتایی هات بە 11 ملیۆن دۆلار.