كچە ئەكتەری بەریتانی كییرا نایتلی دووپاتی كردەوە كە هیچ یەكێك لەهاوكارەكانی لەهۆڵیۆد بەكچ و كوڕەوە بەهاوڕێی نزیك و راستەقینە دانانێت.
نایتلی تەمەن 27 ساڵ دەڵێ: لەگەڵ چەندین كەسایەتی بەرز و بەناوبانگ كارم كردووە وەك رالف فینیس و كاری مۆلیگان و چەندانی دیكە، بەڵام حەز ناكەم هاوڕێیەتیم لەگەڵیان هەبێت، چونكە تا ئێستا لەكەسایەتییە بەناوبانگەكانی هاوڕێیەتیم لەگەڵ كەسیان نییە، كییرا هەروەها دەڵێ: من زیاتر حەز دەكەم لەگەڵ مۆسیقییەكان هاوڕێیەتیم هەبێت.
چەند سەرچاوەیەكی نزیك لەنایتلی لەم بارەیەوە دەڵێن: ڕەنگە ئەم عەشقەی نایتلی بۆ مۆسیقا یەكێك بێت لەو هۆیانەی كە وایان لێكرد پێوەندی هاوسەرگیری لەگەڵ جیمس رایتۆنی ژەنیار لەتیپی كلاكسۆن پێك بهێنێت.