بێران سائات كە لەكوردستان بەسەمەر ناسراوە بڕیاریداوە لەهاوینی ئەمساڵ سەردانی ئەمریكا بكات بۆئەوەی مارەییەكەی لەكونسوڵخانەی توركیا لە لۆس ئەنجلوۆس ببڕێت.
سەمەر یان فاتیما پێوەندی خۆشەویستی لەگەڵ ئەستێرەی پۆپی توركی (كینان دۆلۆ) هەبوو و بڕیاریاندا ژیانی هاوسەرگیری پێك بهێنن و دوای مارە بڕینەكەیان لەكونسوڵخانەی توركیا لە لۆس ئەنجلوس پێشبینی دەكرێت ئاهەنگی هاوسەرگیریشیان هەر لەوێ ساز بكەن، هەواڵی پێكەوەنانی ژیانی هاوسەرێتی لەنێوان كینان و بێران لەلایەن میدیاكانی توركیاوە گرنگییەكی زۆری پێدراو و زۆر كەسیش بەهەواڵێكی چاوەڕوان نەكراویان زانی.
لەلایەكی دیكەوە كینان خەریكە لەم ڕۆژانەدا ئەلبوومێكی نوێی خۆی بخاتە بازاڕەوە بەناوی (aşka türlü şeyler) و لەگەڵ دەرچوون و بڵاوكردنەوەی ئەلبوومەكەشی كۆنسێرتێكی گەورە لەتوركیا ساز دەكات دواتریش ڕوو لەئەمریكا دەكات بۆ ئەوەی لەگەڵ سەمەر گەشتەكەیان دەست پێبكەن.