سیلین دیۆن گۆڤارێكی فه‌ره‌نسی داغ كرد
پێشتر سیلین دیۆن له رێگای پارێزه‌ره تایبه‌تییه‌كه‌ی خۆی داوای بڕی 100 هه‌زار یۆرۆی كردبوو وه‌ك قه‌ره‌بوو به‌هۆی ئه‌و زیانانه‌ی به‌ر خۆی و هاوسه‌ره‌كه‌ی كه‌وت له ئه‌نجامی وتارێك كه له ساڵی 2010 له گۆڤاری ناوبراودا بڵاو كرابۆوه و باسی له ژیانی تایبه‌تی خۆی و هاوسه‌ره‌كه‌ی كرد بوو.
دادگای شاری تۆلۆز ملكه‌چی داواكه‌ی سیلین نه‌بوو و گۆڤاری ناوبراوی به بڕی ته‌نیا 8000 یۆرۆ سزادا، شایه‌نی وتنه گۆڤاری ICi له ساڵی 2010 وتارێكی بڵاوكرده‌وه و تێیدا باسی له ژیانی تایبه‌تی سیلین كردبوو به‌تایبه‌تی سكپڕییه‌كه‌ی و ئه‌گه‌ری مردنی كۆرپه‌كه‌ی و ئه‌و دێڕه‌ی كه سیلین و هاوسه‌ره‌كه‌ی زۆر توڕه كردبوو ئه‌وه بوو: سیلین له ژووری نه‌شته‌رگه‌رییه، پزیشكه‌كانیش هه‌موو هه‌وڵێك ده‌ده‌ن بۆ ئه‌وه‌ی منداڵه‌كه‌ی نه‌مرێت، چونكه ته‌ندروستیی زۆر خراپه.
