ئەلبوومەكەی ئەمجارەی 4 دەفتەر دۆلاری تێ دەچێت
ئەم ئەلبوومەیش لە ١٢ تراك پێك هاتووە و چوار گۆرانی لە گۆرانییە كۆنەكانی بە تەكنیكێكی نوێ گوتراوەتەوە و كاری میوزیكی ئەم بەرهەمەیش ( كارزان كامیل ) بۆی ئەنجامداوە و زۆربەی ئاوازەكانی لە لایەن (عەتا ئەحمەد)ـەوە دانراوە.
ئەم بەرهەمە ئێستا لە ستۆدیۆدا كاری تێدا دەكرێت و پاش تەواوبونی لە وڵاتی توركیا چاپ دەكرێت و بە باشترین كوالێتی CD بڵاو دەكرێتەوە.
لە لێدوانێكیدا بۆ ڕۆژنامەی “هەولێر” خاوەنی سەنتەری ناوبراو (كاوان ڕەسوڵ) ئاشكرای كرد، كە ئەم ئەلبوومەی هونەرمەند (كەمال محەمەد) بە سپۆنسەریی سەنتەری كیژێ بەرهەم دێت و بڕی40000 دۆلاری تێدەچێت.
هەر لە درێژەی قسەكانیدا ئاماژە دەدات، كە لە كاتی بڵاوكردنەوەی هەر ئەلبوومێكی (كەمال) فرۆشێكی باشی دەبێت و پێشوازییەكی بەرچاوی لێ دەكرێت.
