(Snow White and the Huntsman) فیلمى پڕداهاتى ئه‌م هه‌فته‌یه‌ى ئه‌مریكاى باكوره
فیلمه‌كه له ده‌رهێنانى "ڕوبێرت ساندرز"ه ، وه ئه‌كته‌ران كریستین ستیوارت كریس هیمسورس و چارلیز سیرون رۆلى پاله‌وانیته‌ى تێیدا ده‌بینن .
هه‌روه‌ها فیلمى (Men In Black) به پله‌ى دووه‌مى فیلمى پڕداهاتى ئه‌م هه‌فته‌یه‌ى ئه‌مریكاى باكور هات ، پاش ئه‌وه‌ى توانى 29،3 ملیۆن دۆلار به‌ده‌ستبێنێت .
ئه‌م فیلمه‌ش له پاله‌وانیه‌تى هه‌ریه‌ك له ویل سمیس و جوش برولین و ده‌رهێنانى "بارى سوننفیلد"ه .
به‌پێی هه‌والى ئاژانسی ڕۆیته‌رز فیلمى فیلمى (تۆله‌سه‌ندنه‌وه The Avengers) ، پاش ئه‌وه‌ى له هه‌فته‌ى ڕابردوودا له پله‌ى دووه‌م دابوو ، بۆ هه‌فته‌یه گه‌ڕایه‌وه بۆ پله‌ى سێیه‌مى پڕداهاتترین فیلم له‌سه‌ر ئاستى سینه‌مایه‌كانى ئه‌مریكاى باكور ، دواى ئه‌وه‌ى توانى له‌م هه‌فته‌یه‌دا له‌سه‌ر ئاستى سینه‌مایه‌كانى ئه‌مریكاى باكور 20,3 ملیۆن دۆلار به‌ده‌ست بێنێت .
ئه‌م فیلمه له ده‌رهێنانى "جوس ویدون"ه‌و هه‌ریه‌ك له ئه‌كته‌رانیش ڕوبیرت دونى ئالابن و كریس ئیڤانز و مارك روفالو ڕۆلى پاله‌وانیه‌تى تێیدا ده‌بینن .
له‌لایه‌كى تریشه‌وه فیلمى "كه‌شی جه‌نگى Battleship " له پله‌ى سێیه‌مه‌وه بۆ پله‌ى چواره‌م بۆ ئه‌م هه‌فته‌یه گه‌ڕایه‌وه ، ئه‌ویش به كۆكردنه‌وه‌ى 4,8 ملیۆن دۆلار .
ئه‌م فیلمه‌ش له ده‌رهێنانى "پیتر بیرگ"و پاله‌وانیه‌تى هه‌ریه‌ك له ئه‌لكسه‌نده‌ر سكارسگاردو بروكلین دیكر و ولیام نیسۆنه .
هه‌روه‌ها "دیكتاتۆر The Dictator" كه هه‌فته‌ى ڕابردوو له پله‌ى چواره‌م دابوو ، بۆ ئه‌م هه‌فته‌یه به پله‌ى پێنجه‌م هات له‌سه‌ر ئاستى سینه‌مایه‌كانى ئه‌مریكاى باكور ، دواى ئه‌وه‌ى توانى 4,7 ملیۆن دۆلار له‌م هه‌فته‌یه‌دا به‌ده‌ست بێنێت .
فیلمى دیكتاتۆر له ده‌رهێنانى "لارى چارلز"ه ، وه ئه‌كته‌ران ساشا بارون كۆهین و ئانا فارس و بن كینجسلى ڕۆلى پاله‌وانیه‌تى تێیدا ده‌بینن .
