بۆ یەكەمجارە لە مێژووی ژیانی هونەریی خۆیدا ڕێگە بە ڕۆژنامەنووسان بدات، كە لە نێو ماڵەكەی خۆیدا دیمانەی لەتەكدا بكەن.
(ئیبراهیم تاتلیساس) لە بەرنامەیەكی تەلەڤزیۆنیی (CNN)ـی توركیدا، كە پێشكەشكاری بەرنامەكە (ئەینور تەرتان) بوو، ڕێگەی دا بچنە نێو ژیانی تایبەتیی خۆی و خێزانەكەی و هەموو ماڵەكەشی وێنە بگرن. ئەمەیش یەكەمجارە لە مێژووی ژیانی ئەو گۆرنیبێژە، كە بەو شێوەیە ڕێگە بە ڕۆژنامەنووسان بدات.

لە پرسیارێكدا دەربارەی (ئایشە گوڵ)، كە لە دوای لێدانەكەی و چاكبوونەوەی كردی بە هاوسەرەكەی خۆی گوت: “ماوەی 14 ساڵ دەبێت من و (ئایشەگوڵ) بە یەكەوە دەژین و زۆر یەكتریمان خۆش دەوێت، بۆیە ئێستا كاتی ئەوە بوو بڕیار بدەین زەماوەند بكەین و زۆرم خۆش دەوێت.”

ئەو لەو بەرنامەیەدا بۆ خۆی بە دەستی خۆی كەبابی بۆ پێشكەشكاری بەرنامەكە ئامادە كرد و بە پێی خۆشی دەهات و دەچوو، ئەگەرچی لایەكیشی لەكار كەوتووە، وەلێ ئەو گوێی پێ نەدەدا و لە پێكەنین و قسەكانی نەدەكەوت.

(ئیبۆ) دەربارەی منداڵەكانی گوتی: “تا ئێستا كارێكم نەكردووە ڕووی منداڵەكانم ڕەش بكەم، بەڵكوو هەموو هەوڵم سەركەوتنی ئەوان بووە و زۆرم خۆش دەوێن.”

ئەو لە بەشێكی دیكەی قسەكانیدا ئاماژەی دا، كە حەز دەكات ناوی منداڵی كوڕ و كچەكانی بۆ خۆی دایبنێت و لەو ڕووەیشەوە دڵیان نەشكاندوە.

گوتیشی: “باوكم بە بچووكی زۆری لێ دەدام، بەڵام من هەرگیز لە منداڵەكانی خۆمم نەداوە، واتە قەد حەز ناكەم بە توندی مامەڵەیان لە تەكدا بكەم.”