دوای ئەوەی بۆ ماوەی چەندین ساڵ یەكێك لەناودارترین ئەستێرە سینەماییەكانی جیهان لەفیلمەكانی ئەكشن و كۆمیدیا و دوای ئەوەی نزیكەی 100 فیلمی بەرهەمهێنا و بەشداری تێدا كرد، ئەكتەری جیهانی جاكی شان بڕیاریدا واز لەبەشداری كردن بهێنێت لەفیلمەكانی ئەكشن.
جاكی شانی تەمەن 58 ساڵ ڕایگەیاند كە لەئێستادا بەتەمەن گەورە بووە بۆئەوەی بتوانێت هەمان جوڵەكانی بیست ساڵ پێش ئێستا دووبارە بكاتەوە و ئەو دڕندەیی و توندتیژییەی كە ئێستا لەجیهاندا بڵاوبۆتەوە یەكێك بووە لەو هۆكارانەی كە بیر لەم بڕیارە بكاتەوە، جاكی شان ئەوەشی ڕاگەیاند كە لەوانەیە تەنیا واز لەفیلمەكانی ئەكشن بهێنێت، بەڵام وتی دەمەوێ جەماوەر دڵنیا بكەمەوە كە من لەدەرەوەی فیلمەكانیشدا لەژیانی ئاساییم دەتوانم هەموو جوڵەكانی نێو فیلمەكان ئەنجام بدەم.