لەمەزادێكی ئاشكرادا كە لەبیفرلی هیلز لەنیویۆرك سازكرا، چەند كەلوپەلێكی خانمە هونەرمەند ویتنی هیوستن بەبڕی 80 هەزار دۆلاری ئەمریكی فرۆشران.
لەم مەزادەدا جگە لەوانەی ئامادە بوون ژمارەیەكی بێزنسمانەكان بەتەلەفۆن و لەڕێگای ئینتەرنێتەوە بەشدار بوون و تێیدا زیاتر لە13 پارچە لەجلوبەرگ و بەردی گرانبەهای ویتنی فرۆشران بەتایبەتی ئەو جلوبەرگانەی كە چەندین ئاهەنگی بەناوبانگی بەو جلوبەرگانە ئەنجامدا بوو، دارین جۆلیان كە ڕێكخەری مەزادەكەیە لەم بارەیەوە وتی: كۆی گشتی نرخەكان گەیشتە 80 هەزاو 187 دۆلار و ئەوەی تێبینم كرد كە دوای مردنی هیوستن خەڵكێك زۆر داوای كەلوپەلەكانی دەكەن و ئامادەن بەنرخێكی گرانیش بیكڕن، جۆلیان هەروەها وتی: ڕاستەوخۆ دوای مردنی هیوستن خزمەكانی خۆیان ئەو كەلوپەلانەیان هێنایە لای ئێمە بۆئەوەی بۆیان بفرۆشین.