لەدرێژەی نمایشەكانی خۆیانداو لەمیانی سێیەمین فێستیڤاڵی ساڵانەی خۆیاندا قوتابخانەی بالێی سلێمانی لەسەر داوەتی بەڕێوەبەرایەتی هونەری شانۆی هەولێر لە شاری هەولێر نمایشێكی تایبەت ئەنجام دەدەن.
بەگوێرەی راپۆرتی راگەیاندنی بەشی راگەیاندن و پەیوەندییەكان لە بەڕێوەبەرایەتی هونەری شانۆی هەولێر هاتووە كە بەڕێوەبەرایەتییەكەیان میوانداری قوتابخانەی بالێی سلێمانی دەكەن و لە نمایشێكی تایبەتدا نوێترین سەماكانی بالێ نمایش دەكەن.
هەر لەو راپۆرتەدا هاتووە كە ئەم نمایشە لە كاتژمێر 5ی ئێوارەی رۆژی چوارشەممە 29/2/2012 لە هۆڵی پێشەوای شاری هەولێر ئەنجام دەدرێ.