له‌ چوارچیوه‌ی دیمانه‌یه‌ك كه‌ گۆڤاری (رۆلینگ ستۆن) له‌گه‌ڵیدا جۆرج كلۆنی ئه‌نجامیدابوو، ناوبراو رایگه‌یاند كه‌ ئه‌وه‌ زانیاریانه‌ی پێوه‌ندییان به‌ لایه‌نی خۆشه‌ویستییه‌وه‌ هه‌یه‌ بۆ خۆیانی جێده‌هێڵێت.
سه‌باره‌ت به‌و وێنانه‌ی كه‌ ستیسی كیبله‌ری خۆشه‌ویستی كلۆنی بڵاوی كردۆته‌وه‌ وتی: راسته‌ له‌وانه‌یه‌ خۆشه‌ویستێكم هه‌بووبێت و نكۆڵی لێناكه‌م، به‌ڵام به‌ هیچ شێوه‌یه‌ك باس له‌م مه‌سه‌له‌یه‌ ناكه‌م و و ستیسیش ئازاده‌ چ ده‌كات و ناتوانم پێی بڵێم چی بكات یان نه‌یكات. ئه‌م لێدوانانه‌ی كلۆنی له‌ كاتێكدایه‌ كه‌ ستیسی له‌ ماڵپه‌ڕی تویته‌ر به‌ ئاشكرا باسی له‌ پێوه‌ندی نێوان خۆی و كلۆنی كرد و چه‌ند وێنه‌یه‌كیشی له‌م پێوه‌ندییه‌ بڵاو كرده‌وه.