روان ستۆرم: حەز دەكەم بێمە كوردستان وكۆنسێرت پێشكەش بكەم
لە پێوەندییەكیدا لەگەڵ گوڵان باس لە ئامێری دەف دەكات و دەڵێت: ئامێرە موزیكییە رۆژهەڵاتییەكان بە گشتی تاموچێژێكی تایبەت بە موزیك هونەر دەبەخشن، بەجۆرێك مرۆڤ ئەگەر بە وردی بچێتە ناخی ئەم ئامێر و ئەو دەنگەی كە هەیانە هەست دەكات رووە رۆحی موزیك هەنگاو، بۆیە هەوڵمداوە بە گوێرەی توانای خۆم كار لەسەر ئەم ئامێرانە بكەم و لە موزیك و هونەر و لەنێو جەماوەری رۆژئاواشدا زیندوویان بكەمە.
سەبارەت بە دەفیش روان دەڵێ: دەف یەكێكە لەو ئامێرانەی كە من خولیایم و حەز دەكەم بەردەوام شتی نوێی لێ فێر بم و پێشكەشی بكەم، چونكە لە مۆسیقای رۆژهەڵاتیدا جێی دیارە و تامێكی تایبەت دەبەخشێتە مۆسیقا.
روان لە درێژەی لێدوانەكەیدا گوتی: زۆر حەز دەكەم سەردانی كوردستان بكەم و كۆنسێرتێكی تایبەت پێشكەش بكەم، چونكە خەڵكی كوردستان تامەزرۆی مۆسیقان بەتایبەتی بیستوومە كە خەڵكی كوردستانی ئێران شارەزاییەكی زۆریان هەیە لە ژەنینی دەف و بەشێكی زیندووە لە هونەرەكەیان، هیوادارم ئەو ئاواتەم بێتە دی.