هەڵسـەنگاندنی هونەر و كارەكانی هونەرمەند سەید ئەحمەد رواندزی
![هەڵسـەنگاندنی هونەر و كارەكانی هونەرمەند سەید ئەحمەد رواندزی](https://gulanmedia.com/public/old_images/topics/seid-ahmed-rewandzi-12q121.jpg )
جێگەی ئەوەیە هەموولایەك شانازیی پێوە بكەین
سەرەتا هونەرمەند شێرزاد سەرسپی سەبارەت بە كارەكانی سەید ئەحمەد رواندزی دەڵێت «بەشێوەیەكی گشتی سەید ئەحمەد ڕواندزی هونەرمەندێكە كەجێگەی ئەوەیە هەموو لایەك شانازی پێوە بكەین، چونكە ژەنیارێكی زۆر باش و لێهاتوو و سەركەوتووە لەبوارەی ژەنینی كەمانجەدا. جگە لەوەش لە بواری ئاواز دانان رۆڵی خۆی بینیوە، كەمتەرخەم نەبووە لەم بوارە، كارەكانی خۆی زۆر بەڕێكی ئەنجام داوە، من چ وەكو برادەرێكی ئەو یاخود وەك بەڕێوەبەری ئەو زۆر لە كارەكانی ڕازیم و هەمیشە شانازیم بە كارەكانی كردووە، ئەمە لەلایەنی هونەری، هەروەها لایەنی كەسایەتی كەسێكی تا بڵێی دڵپاكە دەتوانێت لەگەڵ هەموو جۆرە كەسێك هەڵسوكەوت بكات. لە كاركردن توندوتیژ نییە زۆر ڕێزی هونەرمەندانی لەخۆی گەورەتر و پێشەنگتر دەگرێت.
هیڤیدارم تێکەلیا وی خەلکی نەکەت کو لاسایا موزیکا دەورووبەرا د کەن
هەر سەبارەت ب سەید ئەحمەد بەرزنجی مامۆستا جەمال محەمەد ئەدیب سەرۆكێ تیپا مۆسیقای دهۆكێ دبێژیت: ل گور ناسینا من بۆ هونەرمەندێ موزیکژەن سەید احمد ڕەواندزی ل سالێن ١٩٨٠ هەیا نها شیایە خزمەتەکا ئێك جار گەلەك پێشکەشی خەلکێ کوردستانێ ب گشتی، ب تایبەت ل سالێن ١٩٨٠ شیایە چەندین کارێن موزیکی بکەت چ گروپ یان تاك یان بۆ سترانبێژا.
پشتی سەرهلدانا پیرۆز هەر ل دەستپێکا سەرهلدانێ ل سالا ١٩٩١ دەست هاڤێتیە کەمانجا خۆ ل گەل هەڤالێن خۆ یێن موزیکژەن وەك گروپ دیسان خزمەتەکا ئاشکرا پێشکێش کریە و بەردەوام بوو ل سەر کارێ خۆ تا چوویە نڤیسینگەها سەتەلایتا کوردستان، هەر دیسان وەك سەرکێشێ گروپێ موزیکێ چەندین کارێن جوان پێشکێش کرینە، ماندیبوونەکا گەلەك مەزن و بۆ چەندین هونەرمەند و سترانبێژا یێن هەرچار پارچێن کوردستانێ،ژ لایێ ئاوازێ ڤە ژی هونەرمەندێ ناڤبری گەلەك گەلەك ئاواز داناینە بۆ چەندین سترانبێژا و هاریکار بوویە د گەل هەمی هونەرمەندا ژ بۆ پێشئێخستنا هونەرێ کوردی دیر ژ لاسایی کو ب ڕاستی ئەڤە کارەکێ ب ساناهی نینە کو تۆ بشێی هونەرێ خۆ وەکو کەلتورێ وی ب پارێزی، هیڤیدارم سەرکەفتی بیت د کار وژیانا خۆدا و تێکەلیا وی خەلکی نەکەت کو لاسایا موزیکا دەورووبەرا د کەن بمینیت وەك کەسایەتیا خۆ یا تایبەت کو هیڤیدارم ژی وەك پێشنیارەك کو خزمەتا ئەو هونەرمەندێن بەری سەرهلدانێ و دەست پێکا سەرهلدانێ کەفتینە کاری ب هەموو کێماسیان ڤە خزمەتا وان نەهێتە ژ بیرکرن.
حەز دەكەم لە ئێستاوە پسپۆرییەتێك
بدات بە كارەكانی
هەر سەبارەت بەم بابەتە، هونەرمەند ئامانج غازی دەڵێ: 34 ساڵە من و سەید ئەحمەد بەیەكەوەین لە هەموو خۆشی و ناخۆشیەكان وەك ئەوەی ناسیومە هەست دەكەم كە هونەرمەندێكی ژان گرتووە بۆ میللەتەكەی خۆی و هەمیشە ویستویەتی برەو بە كارەكانی خۆی بدات و داهێنان پێشكەش بكات، ئەگەرچی لە كوردستان تا ئێستا داهێنان نەبووە. لەبەر ئەوە سەیر دەكەی هونەرمەندێك لە هەمان كاتدا ئاوازدانەرە، موزیكژەنە، موزیك ئامادە دەكات، ژەنیارە لە هەموو بوارەكاندا، من حەزم دەكرد سەید ئەحمەد لە بواری ژەنیندا زیاتر رۆڵی خۆی ببینێت و كاری خۆی بكات، چونكە لەنێو پەنجەكانیدا هەمیشە داهێنان هەیە كە دەتوانێت ئاوازەكان بەشێوەیەكی دیكە دابڕێژێتەوە، هەر لە ئاوازی فۆلكلۆرییەوە بگرە تا ئەو ئاوازانەی بەخۆی دایناوە، لە بواری ئاوازداناندا سەلیقەیەكی زۆر چاكی هەیە، بەڵام وەكو باسم كرد ئەو پەرش و بڵاوییەی سەید ئەحمەد وایلێكردووە بە هەموو شتەكان رانەگات و نەتوانێت لە هەموو بوارەكاندا داهێنان بكات، لەبەر ئەوە بەراستی وەك هاوڕێیەكی ئازیزی خۆم دەڵێم: حەز دەكەم لە ئێستاوە پسپۆرییەتێك بدات بە كارەكانی خۆی و تێیدا سەركەوتوو بێت و ئەو بابەتە و توانستەی تا ئێستا سەید ئەحمەد دەریبڕیوە ناگاتە ئەو توانایەی كە ئێستا شاراوەیە لە ناخی سەید ئەحمەد دا لەنێو گیان و رۆحیەتی خۆی و ئەو دەست و پەنجانەی لەبەر ئەوەی نەپڕژاوەتە سەر كارەكانی بەشێوەیەكی رێكوپێك، رەنگە هەندێك جار بواری ژیانیش وایلێكردبێت بە هەموو شتەكان رانەگات كە لە زاخاوی مێشكی خۆیدایە.
ئەوەی سەید ئەحمەد لە هونەرمەندانی تر جیا دەكاتەوە رۆحیەت و هەست ناسكی و دڵسافی خۆیەتی كە بەشێوەیەك مامەڵە لەگەڵ هونەرمەنداندا دەكات و ئەوەی هەیەتی بیدات بە هونەرمەندان و حەزیشم دەكرد برەو بە كارەكانی خۆی بدات و هەندێك جاریش لەنێوان موزیكی كلاسیك و موزیكی كوردیدا خۆی ون نەكات و لە رێچكەی موزیكی رۆژهەڵاتیدا بیبینم، سەید ئەحمەد گوێچكەیەكی زۆر هەستیاری هەیە بۆ ئەزبەر كردنی ئاوازەكان، ئەمەش وایلێدەكات هەمیشە ئەو ئاوازانەی وەریدەگرێت بەشێوەیەك دایڕێژێتەوە بە هەمان میلۆدی و تەكنیكێكی نوێوە، دەبێ كار لەسەر ئەوە بكات بۆ ئەوەی لە داهێناندا بەردەوام بێت و نەكەوێت.
كەسێكی بەهێزە و داهێنەرە لەكارەكانی
هونەرمەند هێمن حوسێن دەڵێت «ئەو هونەرمەندە كەسێكی زۆر سادە و ساكارە. بەڕاستی دەبێت زۆر ڕێز لە كارەكانی بگیرێت، بە سادەو جوانیەكەی خۆی ئەوەی لەلامان دروستكردووە كە وەكو هاوتەمەنی خۆمان سەیری بكەین نەوەك جیاوازیەكی هەبێت. مامۆستا سەید ساڵانێكی زۆر بەرپرسیاریەتی كاری هونەری زۆر قورس و گرانی لەئەستۆدا بووە چ لەكەناڵەكان چ لەو دەزگایانەی كە كاری لێكردووە دەیتوانی بەو توانایەی خۆی كەسایەتیەكی تر بۆ خۆی دروست بكات. وەكو كەسێك كە بەداخەوە پێی دەڵێت (بۆرجوازی)، بەڵام ئەو بەو هەوڵسوكەوتە جوانەی وای لە خۆی كردووە كە زۆر لێیەوە نزیك بین. كەسێكی زۆر بە توانایەو داهێنەرە لە بوارەكەی خۆی ژەنینی كەمانجەو لە هەمان كاتدا كەسێكی زۆر ئەكادیمییە كە كاری لەگەڵ دەكەی هەست دەكەی ئەرشیفێكی باشی هەیە لە بواری میوزیكدا. جگە لەوەش دەنگی زۆر خۆشە ئەگەر گۆرانی بوتایە دڵنیابووم كە ناوبانگێكی باشی دەبوو، بەڵام دیارە بارودۆخ ڕێگەی پێنەداوە گۆرانی بڵێت. كاتێك پارچە مۆزیكێك دەژەنێت ڕۆحیەتێكی تێدایە وەكو خۆی دەیژەنێت بۆ نموونە «فارسی وەك خۆی دەژەنێت. مامۆستا سەید كە دێتە ستۆدیۆ بۆ كاری هونەری ئەو تواناو بەرگرییەی لە ئەو داهەیە لە هیچ لەو هونەرمەندە گەنجانەدا نییە، ئەگەر ئیشەكە ئاسان یان قورس بێت هیچ كاتێك نایبینێت كە بێهێزە لە كارەكەی خۆی.
جێگە پەنجەی لەنێو هونەری كوردیدا دیارە
هونەرمەند پەیوەند جاف لەبارەی كارەكانی سەید ئەحمەد وتی «یەكێكە لەو هونەرمەندانەی كە جێی پەنجەی دیارە لەنێو هونەری كوردیدا، هەمیشە هەوڵیداوە تازەگەری لە كارەكانی بكات و دەستخۆشی لێدەكەم دەتوانم بڵێم زۆربەی كارە هونەرییەكانی هونەرمەندان سەید ئەحمەد ڕواندزی بەشداری كردووە، هیوادارم نموونەی زیاد بێت و سەركەوتوو بێت لەكارەكانی.
سەید ئەحمەد زۆرێك لەهونەرمەندانی دروست كرد
هونەرمەند نازدار پێیوایە سەید ئەحمەد توانیویەتی هونەرمەندێكی زۆر پێبگەیەنێت و لەو بوارەوە دەڵێت «چونكە هاوكاری زۆربەی هونەرمەندان دەكات، بۆنموونە كاتێك دەستم بەكاری هونەری كرد سەرەتا نە گۆرانی نە ئاواز هیچم نەبوو، ئەو یارمەتیدام، ئەلبوومی بۆ ئامادەكردم تاخۆم دروست كرد لە بواری گۆرانی وتن زۆر هاوكارم بوو، هەروەها لە زۆربەی ئاهەنگ و كۆنسێرتەكان بەشداربووە بەبێ هیچ بەرامبەرێك، بۆیە هونەرمەندێكی تابڵێی سەركەوتوو و هونەردۆست و كەسێكی زۆر هەست ناسك و كەسایەتییەكی بەرزی هەیە لەنێو هونەری كوردی دا.