رێكخراوی نەتەوە یەكگرتووەكان رایگەیاند كەوا ئەستێرەی سینەمایی ئەمریكی جۆلیا رۆبیرتس بەشداری لە هەڵمەتێكی نێودەوڵەتی تایبەت بە قەڵاچۆكردنی رێگەكانی چێشتلێنانی نا تەندروستدا دەكات، كە ساڵانە دەبێتە هۆی گیان لەدەستدانی دوو ملیۆن كەس.

رێكخراوی ناوبراو جۆلیای وەك باڵیۆزی نێودەوڵەتی لەپێناو چێشتلێنانی تەندروست و خاوێن دەستنیشانكرد، تیم فۆرت كە سیناتۆرێكی پێشووی ئەمریكییە رایگەیاند كە جۆلیا لەوانەیە یارمەتی بەرزكردنەوەی ئاستی وشیاری ملیۆنەها كەس بدات كە رووبەڕووی ئەم مەسەلە ترسناكە دەبنەوە و كاریگەری مەترسیدار لەسەر تەندروستیان دروست دەكات و زۆر جاریش دەبێتە هۆی مردن، ئەویش لەبەر بەكارهێنانی هۆكاری كۆن و دواكەتوو لە چێشتلێنان.