كچە ئەكتەری توركی (جانسۆ دیریە) كە رۆڵی (عایشە) دەبینێت لە زنجیرەی توركی (ئیزەل) رەتیكردەوە كە پێوەندی خۆشەویستی لەگەڵ (كینان ئەمر ئەزلی)ی پاڵەوانی زنجیرەكە هەبێت و وتی: ئەو تەنیا هاوڕێیەكی منە و هیچی تر.

بەڵام جانسۆ لە دیمانەیەكدا نەیشاردەوە كە بە دوای هاوسەرێكدا دەگەڕێت كە لێكگەیشتن لەنێونیاندا هەبێت، لە درێژەی قسەكانیدا جانسۆ دەڵێ: من ئێستا هیچ پێوەندییەكی خۆشەویستیم نییە و پێشتریش شووم نەكردووە و پێموایە خۆشەویستی سەرەڕای ئەوەی كامەرانی بە مرۆڤ دەبەخشێت، بەڵام دوور نییە هەر خۆشەویستیش ببێتە هۆی نەهامەتی و بێزاری، بۆیە من دەمەوێ لە پێوەندییەكی خۆشەویستی راستەقینەدا بژیم، چونكە ئێمەی ئەكتەر لە زۆربەی كارەكانماندا رۆڵی خۆشەویستی بەرجەستە دەكەین و زۆر جاریش هیوای ئەوە بۆ خۆمان دەخوازین ئەو هەستەی بۆ كەسی بەرامبەرمان دەری دەبڕین ببێتە شتێكی راستەقینە نەك تەنیا لە كارە هونەرییەكاندا.

دەربارەی (كینان)یش وتی: كینان گەنجێكی قۆزە و وەك هاوڕێیەك خۆشمدەوێت نەك زیاتر و پێموایە ئەو پڕوپاگەندانەی كە كراون تەنیا پێوەندییان بە زنجیرەكەوە هەیە.