پاش تێپه‌ربونى 23 ساڵ به‌سه‌ر ئه‌نفال، ئه‌م ساڵ به رێگه‌ى جیاواز یادى ئه‌و رۆژه رِه‌شه كرایه‌وه، گۆرانى بێژى لاو میرا به گۆرانى (ئه‌نفال) له میلۆدى هه‌ڵكه‌وت زاهیر و تێكستى حه‌مه سه‌عید حه‌سه‌ن په‌یامێكى ئاراستى خه‌ڵكى كوردستان كرد، ئه‌م گۆرانى ته‌نها به ده‌نگ پێشكه‌شى راگه‌یاندنه‌كان كراوه و له داهاتویه‌كى نزیكدا كارى كلیپى بۆ ده‌كرێت، هه‌ڵكه‌وت زاهیر رِایگه‌یاند وه‌كو هونه‌مه‌ندێك به ئه‌ركى خۆى ده‌زانێ و خه‌مى خۆى ده‌رده‌برِىَ بۆ ئه‌و كاراساته گه‌وره و تراژیدیه‌ى به‌سه‌ر میلله‌ته‌كه‌ى هاتووه، هه‌وه‌ها ئاماژه‌ى به‌وه‌ش كرد كه ئه‌نفال ئازارێك و برینێكى قوڵه له‌سه‌ر دڵى هه‌موومان و له یاد ناچىَ و پێویسته ئه‌مكاره‌ساته به ده‌ره‌وه و به جیهان بناسێنین و هه‌وڵ بده‌ین كاره‌ساتى له‌و جۆره جارێكى تر به‌سه‌ر میلله‌ته‌كه‌مان نه‌یه‌ته‌وه، له باره‌ى هۆكارى ووتنى ئه‌م گۆرانى یه میرا پىَ ى وایه كه هونه‌مه‌ندان موڵكى ئه‌م میلله‌تن و ده‌بێت له خۆشى و ناخۆشى یه‌كانیشیاندا به‌ژدار ببن و خه‌مى هه‌ر تاكێكى كورد به خه‌مى خۆى ده‌زانێت و هیوا خوازه كه گه‌لى كورد جارێكى تر ناخۆشى و ده‌رده‌سه‌رى نه‌بینێته‌وه، شایه‌نى باسه میرا مانگى رابوردو گۆرانى یه‌كى به ناوى(سه‌ربه‌خۆ بوون) بلاَو كرده‌وه له‌گه‌ڵ لۆكه كه ئامانج لىَ ى سه‌ربه‌خۆبوون و یه‌ك پارچه‌ى كوردستان و ئاشتى بوو كه ده‌نگدانه‌وه‌یه‌كى باشى هه‌بوو.
