چه‌ند ساڵێكه‌ شاڵاو ناوێكی دیاره‌ له‌ نووسینی شیعر بۆ گۆرانیبێژان به‌تایبه‌تی به‌رهه‌مه‌كانی هونه‌رمه‌ند زه‌كه‌ریا. ماوه‌ی چه‌ند ساڵه‌ له‌ده‌ره‌وه‌ی كوردستان ژیان به‌سه‌ر ده‌بات .

سه‌باره‌ت به‌به‌شداری نه‌كردی له‌به‌رهه‌می ئه‌م جاره‌ی هونه‌رمه‌ند زه‌كه‌ریا شالاَو ووتی " دووری من له‌زه‌که‌ریا و نه‌بوونی کاتی ته‌واوم بۆ نووسینی هۆنراوه‌و یارمه‌تیدانی وای کرد نه‌توانم به‌شداری دوا به‌رهه‌می زه‌که‌ریا بکه‌م ، ئه‌گه‌ر چی سێ چوار هۆنراوه‌ی منی کردبوو به‌گۆرانی، به‌ڵام له‌کاتی دیاری کراودا من نه‌متوانی هۆنراوه‌کان ته‌واو بکه‌م و هۆنراوه‌کانم به‌نیوه‌نیوه‌نووسیبوو، له‌به‌رنامه‌دا هه‌یه‌که‌له‌به‌رهه‌می ئایینده‌ی بتوانم به‌شێوه‌یه‌کی باش هه‌ندێک له‌گۆرانیه‌کان له‌هۆنراوه‌ی من بێت .

شلاَو ئاماژه‌ی به‌وه‌شدا " كه‌یادگاری زۆری له‌گه‌ڵ هونه‌رمه‌نده‌كان هه‌یه‌ .به‌تایبه‌تی له‌گه‌ڵ هونه‌رمه‌ند زه‌كه‌ریا یادگاری له‌بیر نه‌كراوم هه‌یه‌ .ئه‌وكاتانه‌ی كه‌ له‌وولاَتی سوید بوو كه‌ كاری هونه‌ریمان به‌یه‌كه‌وه‌ ده‌كرد .

ئەمە بڵاو كرایەوە بەشێكە لە دیمانەیەكی تایبەت لەگەڵ شاڵاو، تەواوی دیمانەكە لە ژمارەی داهاتوی گۆڤاری گوڵان بڵاو دەكرێتەوە، چاوەڕوان بن