كچە نمایشكاری جلوبەرگی ئەمریكی هایدی كلۆم داوای لەو ئافرەتانە كرد كە دەیانەوێ چرچ و لۆچی دەموچاویان نەمینێت و جوانتر دەركەون، پێویستە كێشی لەشیان زیاد بكەن.

لەم بارەیەوە رۆژنامەی نیویۆرك دایلی نیوز رایگەیاند كە پزیشكانی پێست و شارەزایانی جوانكاری هەمان بیروبۆچوونی هایدییان هەیە و پێیانوایە بۆ ئەوەی ئافرەت جوانتر بێـت، پێویست دەكات كێشی لەشی زۆر زیاد نەبێت، هەروەها پزیشكان دەڵێن ئەو كەسانەی رێژەی چەوری لە دەمووچاویان كەمە زۆر بە گەنجی دەرناكەون.

هەروەها هایدیش دەڵێ: لە ماوەی رابردوو هەست دەكەم دەموچاوم زیاتر بەرچاو و دیارە ئەمەش لەبەر ئەوەی كەمێك كێشم زیادی كردووە، بەڵام نامەوێ ئافرەتان زیاد لە پێویست قەڵەو بن و دواتر تووشی نەخۆشی جۆراوجۆر ببنەوە.