ئەلیك باڵدوینی ئەكتەری بەناوبانگ بەشێوەیەكی لەناكاو و بەنهێنی سەردانی ناوەندی كنێدی كرد بۆ پێشكەشكردنی بەرزترین خەڵاتی كۆمیدی بە تینافای.

هەڵبژاردنی تینافای بۆ ئەم خەڵاتە دەگەڕێتەوە بۆ بینینی رۆڵی سارا بالین لە زنجیرەیەكی تەلەفزیۆنی بەناوی (ساتردای نایت لایف)، ئەم خەڵاتە ساڵانە پێشكەش بەو كەسانە دەكرێ كە كۆمیدیایەكی هاوچەرخ و نوێ پێشكەش دەكەن و ساڵی پار بیل كۆسپی بەدەستیهێنا، رێكخەرانی خەڵاتەكە رایانگەیاند كە تینافای توانیی زۆر بە سەركەوتوانە رۆڵەكەی خۆی بەرجەستە بكات و بووە هۆی داهێنانی زنجیرەیەكی دیكەی كۆمیدی بەناوی (تێرنی رۆك) كە لەویشدا رۆڵی پاڵەوانی بینی.