پۆلیسی چین هەڵمەتێكی دەستپێكردووە بۆ دڵنیا بوون لە كوالیتی ئەو پەیكەرانەی بۆ ماوتسی تۆنگ دروستكراون، بەتایبەتی ئەوانەی بەم دواییە لە هەندێك شوێن دەفرۆشرێنە گەشتیارە بیانییەكان.

ئاژانسی هەواڵی شینجوا رایگەیاند هەندێك لەو گەشتیارانەی سەردانی ناوچەی (شاوشان) یان كردووە لە هەرێمی هینان شوێنی لەدایكبوونی ماو گلەییان كردووە كە هەندێكی لەو پەیكەرانەی كڕیویانە وەك پێویست نییە و كوالیتی زۆر خراپە، شینخوا لەسەر زاری بەرپرسێكی ناوچەكە رایگەیاند: فرۆشتنی ئەم جۆرە پەیكەرانە كاریگەرییەكی خراپی دەبێت لەسەر جولەی گەشتیاری لە هەرێمەكەیان، چونكە ساڵانە داهاتی پەیكەرەكان دەگاتە زیاتر لە 14 ملیۆن دۆلار، لە هەمان كاتدا هەستی بیانییەكانیش بەرامبەر كەسێكی وەك ماوتسی تۆنگ دەگۆڕێت، بۆیە بڕیارمانداوە لە سەرەتای مانگی تەمموزەوە ئەو پەیكەرانەی كوالیتیان وەك پێویست نەبێت ئەوا تێكدەدرێن.