خانمە هونەرمەندی لوبنانی نەجوا كەرەم دەربارەی یارییەكانی مۆندیال كە ئێستا لە وڵاتی باشووری ئەفریقیا بەڕێوە دەچێت گوتی: بە بڕوای من بەرازیل دەبێتە پاڵەوانی مۆندیال، چونكە ئاستێكی بەرزی پێشكەش كردووە.

نەجوا كەرەم هەروەها رایگەیاند كە هۆڵێكی سینەمای گەورەی لە ماڵی خۆیدا ئامادە كردووە بۆ ئەوەی لەگەڵ خێزانەكەی و هاوڕێكانی سەیری یارییەكان بكەن، دەربارەی نوێترین ئەلبومی خۆیشی نەجوا رایگەیاند یەكسەر دوای كۆتایی هاتنی یارییەكانی مۆندیال ئەلبوومەكەم بڵاودەكەمەوە، چونكە ئێستا بەشێكی زۆری خەڵك بەتایبەتی لاوەكان بە سەیركردنی یارییەكانی مۆندیالەوە خەریكن.