تۆپى ده‌ستى قه‌ڵا راناوه‌ستێ
.jpg )
تیپى تۆپى ده‌ستى یانه‌ى قه‌ڵاى توركمان له‌م وه‌رزه‌دا به‌شدارى كرد له خولى نایابى تۆپى ده‌ستى كچانى یانه‌كانى كوردستان وتوانى پله‌ى پێنجه‌مى خوله‌كه ده‌سته‌به‌ربكات، به‌ڵام كچانى یانه‌كه ئامانجى گه‌وره‌ترى هه‌یه و ده‌یه‌وێت ئه‌نجامى شایسته‌تر له خوله‌كانى داهاتوو ده‌سته‌به‌ربكات و ئاماده‌كارى و مه‌شقی یانه‌كه‌ش به‌رده‌وامى هه‌یه، له‌م باره‌شه‌وه رێباز ئه‌حمه‌د راهێنه‌رى تیپى تۆپى ده‌ستى كچانى یانه‌ى قه‌ڵا بۆ گۆڤاری گوڵان گوتى" مه‌شق و ئاماده‌كارییه‌كانمان به‌رده‌وامى هه‌یه بۆهه‌موو پاڵه‌وانیه‌تیه‌ك ئامانجى خۆمان هه‌بووه كه به‌شداریمان كردووه، له باره‌ى هێنانى یاریزانى تازه‌ش بۆ یانه‌كه گوتیشى "پلانى تازه‌مان له‌به‌رده‌سته بۆ دروست كردنى یاریزانان و هێنانى یاریزانى به ئه‌زموون و به‌توانا بۆ ریزى تیپه‌كه‌مان بۆ ئه‌وه‌ى بتوانین تیپێكى تۆكمه و به‌هێز دروست بكه‌ین له‌سه‌ر ئاستى كوردستان كێبڕكێ له‌گه‌ڵ سه‌رجه‌م تیپه‌كانى تر بكه‌ین، بۆ پاڵه‌وانێتیه‌كانى داهاتوو یانه‌ى قه‌ڵا یه‌كێك ده‌بێت له یانه‌كانى پله‌كانى پێشه‌وه و شه‌ڕى به‌ده‌ستهێنانى ئه‌نجامى گه‌وره ده‌كات له خولى نایابی كوردستان و عێراق، ئێمه هه‌وڵمان داوه هه‌میشه تیپێكى به‌هێز و خاوه‌ن ئاست بین له خوله‌كانى كوردستان و عێراقی، گوتیشى " كێشه‌ى دارایى و نه‌بوونى هۆڵى مه‌شق كردن ئه‌وانه هه‌مووى بونه‌ته به‌ربه‌ست بۆ تیپه‌كه‌مان كه ماوه‌یه‌كه نه‌مانتوانیوه ئاسته راسته‌قینه‌كه‌ى خۆمان پێشكه‌ش بكه‌ین و یاریزانى تازه‌مان كه‌متر بێت، به هه‌وڵ و هیمه‌تى سه‌رۆكى یانه‌كه و ژماره‌یه‌ك له دڵسۆزان ده‌توانین ئاست و ئه‌نجامى باشتر به‌ده‌ست بهێنین و پلانى تازه‌مان ده‌بێت بۆ پێشخستنى یانه‌كه‌مان و دروستكردنى پێكهاته‌یه‌كى گه‌نج بۆ تۆپى ده‌ستى كچان، به‌هیواى ئه‌وه‌ین خول و پاڵه‌وانیه‌تى زیاتر بكرێته‌وه و ماوه‌كه‌ى دووردرێژتر بێت، نه‌ك پاڵه‌وانێتیه‌ك بكرێته‌وه به هه‌فته‌یه‌ك كۆتایی بێت ئه‌وه هیچ سوود و گرنگییه‌كى بۆ هیچ لایه‌كمان نابێت.
كارزان كانه‌بی
