دوای ئه‌وه‌ی ویستی خۆی بۆ رۆیشتن له‌ ریزی یانه‌ی چێڵسی ئینگلیزی پێشاندا، سالمۆن كالۆی یاریزانی كۆتدیڤواری دووپاتی كرده‌وه‌ كه‌ هه‌موو ئه‌و ده‌سته‌وارانه‌ی پێی گه‌یشتوون جێگه‌ی بایه‌خن و له‌گه‌ڵ به‌رِێوه‌به‌ری كاره‌كانیدا لێیان ده‌كۆڵێته‌وه‌ و دواتر برِیار له‌سه‌ر یه‌كێكیان ده‌دات.
كالۆ هه‌روه‌ها ئاشكرای كرد له‌ یانه‌كانی ئیسپانیا و ئینگلته‌را و هۆڵه‌نداوه‌ ده‌سته‌واره‌ی پێگه‌یشتووه‌.
پێشتر رادیۆی تاك سپۆرتی به‌ریتانی ئاشكرای كردبوو كه‌ یانه‌ی نیوكاسڵ یونایتدی ئینگلیزی ویستی خۆی بۆ كرِینی كالۆ پێشان داوه‌ و پێده‌چێ ئه‌و یاریزانه‌ش چوونی بۆ نیوكاسڵ پێ باش بێت.
رادیۆكه‌ ئاشكرای كردووه‌ كه‌ یانه‌ی نیوكاسڵ له‌ هه‌موو یانه‌كانی تر جدیتره‌ بۆ بردنی كالۆ بۆ ریزه‌كانی.
رادیۆكه‌ ئه‌وه‌شی خستووه‌ته‌ روو كه‌ چوونی كالۆ بۆ ئه‌و یانه‌یه‌ كێشه‌یه‌كی ئه‌وتۆی رووبه‌رِوو نابێته‌وه‌ چونكه‌ گرێبه‌ستی كالۆ و چێڵسی له‌ كۆتایی هاتن نزیكه‌.