میرۆسلاڤ كلۆسه‌ی یاریزانی هه‌ڵبژارده‌ی ئه‌ڵمانیا گوتی هه‌موو ئه‌وه‌ی به‌ گه‌وره‌ترین دیاری ده‌زانم له‌ یادی 34 ساڵه‌ی دایكبوونمدا بریتییه‌ له‌وه‌ی بتوانم 3 خاڵ بۆ هه‌ڵبژارده‌ی ئه‌ڵمانیا ببه‌مه‌وه‌.
كلۆسه‌ شه‌مه‌ی داهاتوو یادی له‌دایكبوونی خۆی ده‌كاته‌وه‌ كه‌ هاوكاته‌ له‌گه‌ڵ یه‌كه‌م یاری هه‌ڵبژارده‌ی ئه‌ڵمانیا به‌رامبه‌ر هه‌ڵبژارده‌ی پورتوگال له‌ یۆرۆی 2012.
هێرشبه‌ره‌كه‌ی لازیۆی ئیتاڵی گه‌شبینییه‌كی زۆری پێشاندا به‌ بردنه‌وه‌ی نازناوه‌كه‌ له‌لایه‌ن هه‌ڵبژارده‌ی ئه‌ڵمانیا و گوتی هه‌ستێكی پۆزه‌تیڤم هه‌یه‌ له‌باره‌ی بردنه‌وه‌ی نازناوه‌كه‌وه‌ و ئاماژه‌ی به‌وه‌دا كه‌ هه‌ڵبژارده‌ی ئه‌ڵمانیا هه‌ڵبژارده‌یه‌كی به‌هێزه‌ و یاریزانی مه‌زنی هه‌یه‌.
كلۆسه‌ كه‌ به‌ره‌گه‌ز پۆڵه‌ندییه‌، دڵخۆشی خۆی به‌ گه‌رِانه‌وه‌ بۆ وڵاته‌كه‌ی خۆی ده‌ربرِی و گوتی پۆڵه‌ندام وه‌ك ئه‌ڵمانیا خۆش ده‌وێ.
هه‌ڵبژارده‌ی ئه‌ڵمانیا له‌ كۆمه‌ڵه‌ی دووه‌م له‌ پاڵ هه‌ڵبژارده‌كانی پورتوگال و هۆڵه‌ندا و دانیمارك یاری ده‌كات.