لە یاریگای شەھید فەرەنسۆ حەریری ھەردوو ھەڵبژاردەی ھەرێمی کوردستان و ھەڵبژاردەی ھەرێمی بیانانی رۆژئاوا رووبەرووی یەکتربوونەوە ، تیادا ھەڵبژاردەی ھەرێمی کوردستان بە شەش گۆلی بێ بەرامبەر سەرکەوتنی بەدەست ھێنا.

گۆلەکانیش لە رێگای یاریزانان خالید موشیر ، نەوزاد شێرزاد ٢ گۆل ، ھەلگورد مەلا مەحمەد ، عەلی عەزیز ٢ گۆل تۆمارکرا.

بەم سەرکەوتنەش ھەڵبژاردەی ھەرێمی کوردستان بووە خاوەن سێ خاڵ و ھاتە پێشەنگی ریزبەندی گرووپی یەکەم.

رۆژی چوار شەممە کاتژمێر ٥:٠٠ ئێوارە لە یاری داھاتوو لە یاریگای سلێمانی ھەڵبژاردەی ھەرێمی کوردستان رووبەرووی ھەڵبژاردەی ئۆکستینا دەبێتەوە.