پێكانی یاریزانانی ئینگلته‌را له ئارامیی هۆدسۆن كه‌م ناكه‌نه‌وه
هۆدسۆنی گوتی دڵته‌نگه له ئه‌گه‌ری به‌شدارینه‌كردنی گاری كاهیل له یۆرۆدا به‌هۆی پێكانه‌وه، له‌گه‌ڵ پێكانی چۆن تێری كه له ماسوولكه‌كانی رانیدا تووشی هاتووه.
هۆدسۆن به رۆژنامه‌نووسانی گوت پێم وانییه پێكانی كاهیل قورس بێت، به‌ڵام له ئاینده‌ی نزیكدا دۆخی راسته‌قینه‌ی ئه‌و ده‌زانین و دوای ئه‌وه برِیار له باره‌یه‌وه ده‌ده‌ین.
راهێنه‌ری ئینگلته‌را روونی كرده‌وه كه تێری به‌هۆی هه‌ستكردن به ئازاره‌وه دوای هه‌فته‌یه‌كی چرِی مه‌شق تووشی پێكان هاتووه.
هه‌روه‌ها روونی كرده‌وه كه ستیڤن جیرارد تووشی گرژبوونی ماسولكه هاتووه و دانی وێلباكیش ته‌نیا بۆ پاراستنی له ئازار له یارییه‌كه‌ی به‌لجیكادا گۆرِاوه.
