ماڵَپه‌ری تریپال فوتباڵی ئیتاڵی دووپاتی كردووه‌ته‌وه‌ كه‌ دانووستانه‌كانی یانه‌ی یۆڤنتۆس له‌گه‌ڵ گۆنزالۆ هیگواینی هێرشبه‌ری یانه‌ی ریال مه‌درید بۆ گواستنه‌وه‌ی بۆ ریزی پاڵه‌وانی خولی ئیتاڵی تا ئێستا به‌رده‌وامه‌.
ماڵپه‌ره‌كه‌ ئاشكرای كردووه‌ له‌ دوو رۆژی رابردوودا به‌رپرسانی یانه‌كه‌ چاویان به‌ هیگواین كه‌وتووه‌ و له‌گه‌ڵ باوكیدا دانووستانیان كردووه‌ له‌و باره‌یه‌وه‌.
هه‌فته‌ی پێشوو هیگواین ویستی خۆی بۆ مانه‌وه‌ له‌ ریزی یانه‌ی ریال مه‌درید ئاشكرا كرد بۆ وه‌رزی داهاتوو و ئه‌وه‌ش وای له‌و یانانه‌ كرد كه‌ ده‌یانویست گرێبه‌ست له‌گه‌ڵ هیگواین بكه‌ن واز له‌ بیرۆكه‌كه‌ بێنن.
جۆزێ مۆرینۆی راهێنه‌ری یانه‌ی ریال مه‌درید ویستی زۆری بۆ هێشتنه‌وه‌ی هیگواین پێشاندا و دووپاتی كرده‌وه‌ كه‌ ته‌نیا به‌ نرخی 150 ملیۆن یۆرۆ رێگه‌ به‌ رۆیشتنی ئه‌و یاریزانه‌ ده‌دات.