ئۆڵۆمپیادی له‌نده‌ن ده‌بێته هۆی تورِه‌بوونی خه‌ڵك
حكوومه‌تی به‌ریتانی ده‌ست نیشانی هه‌ندێك نرخی كردووه بۆ خواردنه‌كان و بۆ نموونه نرخی قاپێك په‌تاته له‌گه‌ڵ ماسیدا به 8 پاوه‌ند دانراوه كه‌چی له كاتی ئاساییدا نرخه‌كه‌ی ته‌نیا 3.9 پاوه‌نده.
به‌رزبوونه‌وه‌ی نرخی شتومه‌ك و خۆراك كێشه‌یه‌كی تره بۆ دانیشتووانی له‌نده‌ن كه گله‌ییان له قه‌ره‌باڵخی شه‌قامه‌كان و خنكانی هاتووچۆ هه‌یه.
به‌پێی لیستی ره‌سمی كوپێكی قاوه به چا ده‌گاته 2.60 پاوه‌ند و قاپێك زه‌ڵاته‌ی په‌تاته به 5.90 پاوه‌ند ده‌بێت.
نرخی چه‌مێك خواردن بۆ ماڵباتێك كه له 4 كه‌س پێكهاتووه له نێو یاریگاكانی ئۆلۆَمپیاد دا ده‌گاته 40 پاوه‌ند.
رۆژنامه‌كانی ئینگلته‌را ئاماژه‌یان به‌وه‌داوه كه به‌رزبوونه‌وه‌ی نرخه‌كان نارِه‌زایی زۆری له نێو دانیشتوانی له‌نده‌ندا دروستكردووه و ئه‌وان پێیان وایه به‌رزبوونه‌وه‌ی نرخه‌كان به‌رامبه‌ری ئه‌و سووده ئابوورییه نییه كه میوانداریكردنی پاڵه‌وانیه‌تییه‌كه بۆ دانیشتووانی شاره‌كه‌ی ده‌هێنێت.
