هەفتەی داهاتوو كاڤانی رۆیشتنی بۆ ریال مەدرید یان مانچستەر یونایتد ئاشكرا دەكات
تۆڕەكە لە زاری كلاودیۆ ئەنیلۆچی بەڕێوەبەری كارەكانی كاڤانی گواستەوە كە ئەو یاریزانە هەفتەی داهاتوو بڕیار لە چارەنووسی خۆی دەدات.
بەپێی قسەی ئەو بەڕێوەبەرە هێرشبەرەكەی یانەی ناپۆلی ئیتاڵی خۆی یەكلا دەكاتەوە لە نێوان مانەوە بۆ تەنیا وەرزێكی تر لە ریزی یانە ئیتاڵییەكە، یان رووكردنە یانەیەكی گەورەی ئەوروپا.
یانەكانی مانچستەر یونایتدی ئینگلیزی و ریال مەدریدی ئیسپانی لەسەرووی ئەو یانانەوەن كە بایەخ بە كڕینی ئەو هێرشبەرە دەدەن.
بەپیێ سەرچاوە رۆژنامەوانییەكان یانەی یۆڤنتۆسی پاڵەوانی ئیتاڵیاش بایەخ بە كڕینی ئەو یاریزانە دەدات، بەڵام وادیارە كاڤانی یاریكردن لە دەرەوەی ئیتاڵیا هەڵدەبژێرێت ئەگەر بڕیار بدات لە ناپۆلی نەمێنێتەوە، ئەمە بەپێی لێدوانی بەڕێوەبەری كارەكانی.
