سلڤیۆ بیرلسكۆنی سەرۆكی یانەی میلانی ئیتاڵی رەزامەندی داوە بە فرۆشتنی هەریەك لە زڵاتان ئیبراهیمۆڤیج و تیاگۆ سیلڤا و رۆبینیۆ لە هاوینی ئەمساڵدا.
رۆژنامەی كۆریری لە هەواڵێكدا ئاشكرای كردووە كە بیرلسكۆنی رەزامەندی فرۆشتنی ئەو 3 یاریزانەی بە ئەدریانۆ گالیانی جێگری خۆی داوە.
رۆژنامەكە دەڵێ سەرۆكی میلان رازی نەبووە بە فرۆشتنی پاتۆ و لە بەرامبەردا گوتویەتی ئەگەر یانەیەك 50 ملیۆن یۆرۆ بە تیاگۆ سیلڤا بدات بیفرۆشن و ئەوە دەستەوارەیەكی باشە.
یانەی میلان لە فرۆشتنی زڵاتان ئیبراهیمۆڤیج دەكۆڵێتەوە دوای ئەوەی ئەو یاریزانە وێڕای وەرگرتنی خەڵاتی گۆڵكەری خولی ئیتاڵی لە وەرزی ئەمساڵدا، هێرشی كردە سەر یانەكەی و گوتی پارەی نییە بۆ یاریزان كڕین و پێویستە لە هاویندا 5 یاریزانی نوێ بكڕێت.
رۆژنامەكە هەروەها ئەوەی ئاشكرا كردووە كە سەرۆكی یانەكە بە فرۆشتنی رۆبینیۆش رازییە دوای ئەوەی یانەی سانتۆس داوای كڕینی ئەوی كرد و لە بەرامبەردا بە پێویستی زانیوە یانەكەی 5 یاریزانی لێهاتوو بكڕێت.