سێرجیۆ ئەگوێرۆی هێرشبەری یانەی مانچستەر ستی ئینگلیزی لە گەورەترین دەرگاوە چووە نێو مێژووی ئەو یانەیەوە دوای ئەوەی توانی لە وەرزی یەكەمی لەگەڵ ئەو یانەیەدا 30 گۆڵ تۆمار بكات.
جێی باسە پێشتر رووی نەداوە هیچ یاریزانێك ئەوەندە گۆڵە لەگەڵ ئەو یانەیەدا لە ماوەی وەرزێكدا تۆمار بكات و دوا كەس كە ئەو كارەی كردووە شۆن گۆتەری هێرشبەری ئەو یانەیە بوو كە لە وەرزی 2002 ئەو ژمارە گۆڵەی تۆمار كردووە.
یاریزانەكەی پێشووی ئەتلەتیكۆ مەدریدی ئیسپانی توانی لە یاری كۆتایی وەرزی ئەمساڵی خولی ئینگلیزیدا مێژووییترین گۆڵ تۆمار بكات لە یانەی كوینز پارك رینجەرز كە ئەو گۆڵە بووە هۆی ئەوەی دوای 46 ساڵ چاوەڕوانی ئەو یانەیە یەكەم نازناوی خولی ئینگلیزی بباتەوە.