لەوڵاتی هیندستان بۆماوەی یەك هەفتە پاڵەوانێتی هێزی لەشی وڵاتانی ئاسیا بە بەشداری 14وڵات بەڕێوەچوو، لەم پاڵەوانێتیەشدا كە لەهەرسێ ئاستی تازەپێگەیشتووان و لاوان و پێشكەوتووان بوو، هەڵبژاردەی عێراقیش بەژمارەیەك لەیاریزانان بەشداربوو، توانی 48 میدالیای جۆراو جۆر بەدەستبهێنێت، لەناو یاریزانانیش سێ یاریزانی كورد توانیان ئاستێكی شایستە بەدەستبهێنن، ئەمەش ئەنجامی یاریزانە كوردەكانە.
كێشی 74كگم محەمەد فەتاح لەئاستی تازە پێگەیشتوان 3میدالیای زێڕ و 1زیو و خەڵاتی باشترین یاریزانی وەرگرت لەئاستی تازە پێگەیشتووان.
لەكێشی 74كگم لەئاستی پێشكەوتووان یاریزان كاروان ئەحمەد توانی 2 میدالیای زیو بەدەستبهێنێت.
لەكێشی 66كگم لەئاستی پێشكەوتووان یاریزان فوئاد فەرهاد 2میدالیای برۆنزی بەدەستهێنا.