مۆرینۆ تا 2016 لە یانەی ریال مەدرید دەمێنێتەوە
مۆرینۆ لە 31ی مایۆی 2010 بڕیاریدا ئەركی مەشقی یانەی شاهانە وەربگرێت دوای ئەوەی پێشەوایەتی یانەی ئینتەرمیلانی ئیتاڵی كرد بۆ بردنەوەی نازناوی خول و جامی ئیتاڵیا و خولی یانە پاڵەوانەكانی ئەوروپا لەو ساڵەدا.
مۆرینۆ لە یەكەم وەرزی لەگەڵ یانەی ریال مەدرید نازناوی جامی شای ئیسپانیای بەدەست هێنا دوای ئەوەی لە بەرشەلۆنەی بردەوە لە یاری كۆتاییدا 1-0 و ئەمساڵیش توانی دوای 3 ساڵ دابڕان نازناوی خولی ئیسپانی بباتەوە یاریگای سانتیاگۆ برنابیۆ.
مۆرینۆ بە باشترین راهێنەری جیهان لە وەرزی یەكەمی لەگەڵ ریال مەدرید دەست نیشانكرا و لە وەرزی ئەمساڵدا توانی پێشەوایەتی ریال مەدرید بكات بۆ بەدەستهێنانی چەند ژمارەیەكی پێوانەیی، لەوانەش كۆكردنەوەی 100 خاڵ لە وەرزێكدا و تۆماركردنی 121 گۆڵ لە یەك وەرزدا.
مۆرینۆ تاكە راهێنەرە تا ئێستا نازناوی خولەكانی ئیسپانی و ئیتاڵی و ئینگلیزی بەدەست هێنابێت.
