رۆمان ئەبرامۆڤیجی خاوەنی یانەی چێڵسی ئینگلیزی، خەون بە گرێبەستكردن لەگەڵ رۆناڵدۆ و هیگواینی ئەستێرەكانی یانەی ریال مەدریدی ئیسپانییەوە دەبینێت.
رۆژنامەی تەلێگرافی بەریتانی ئاشكرای كردووە بردنەوەی نازناوی خولی یانە پاڵەوانەكانی ئەوروپا لەلایەن یانەی چێڵسییەوە، خاوەنی ئەو یانەیەی هێناوەتە سەر بڕوایەك كە تیپێك دروست بكات بۆ ئەوەی بۆ چەند وەرزی داهاتوو باڵادەستی ئەوروپا بێت.
رۆژنامەكە دەڵێ نازناوی چامپیۆنس لیگ ویستی ئەبرامۆڤیجی بۆ كۆنترۆڵكردنی تۆپی پێی ئەوروپی كردووەتەوە و ئێستا ئەو بیر لە كڕینی چەند یاریزانێك دەكاتەوە بە نرخی خەیاڵی.
بەپێی رۆژنامەكە خاوەنی یانەكە كڕینی هەریەك لە رۆناڵدۆی پورتوگالی و هیگواینی ئەرجەنیتینی بە هەنگاوێكی باش دەزانێت بۆ كۆنترۆڵكردنی گۆڕەپانی تۆپی پێی ئەوروپی و ئەو خاوەن یانەیە ئامادەیە بڕی 320 ملیۆن یۆرۆ بە هەردوو یاریزان بدات كە 250 ملیۆن یۆرۆ بۆ كڕینی رۆناڵدۆ و 70 ملیۆنیش بۆ كڕینی هیگواینە.