لۆكاس پۆدۆلسكی هێرشبه‌ری هه‌ڵبژارده‌ی ئه‌ڵمانیا گوتی هه‌ڵبژارده‌كه‌ی ده‌یه‌وێ یان نازناوی یۆرۆی 2012 بباته‌وه‌ یان هیچ و به‌ شوێنێكی تر رازی نابێت.
پۆدۆلسكی له‌ لێدوانی بۆ رۆژنامه‌یه‌كی ئه‌ڵمانی له‌ یه‌كه‌ی مه‌شقی هه‌ڵبژارده‌كه‌یه‌وه‌ له‌ باشووری ئه‌فه‌ریقا گوتی له‌ چه‌ند ساڵی رابردوودا هه‌رده‌م سه‌ركه‌وتنمان بۆ قۆناخی پێش كۆتایی به‌ سه‌ركه‌وتن داده‌نا، به‌ڵام ئێستا هه‌موومان كۆكین له‌سه‌ر ئه‌وه‌ی یاری بۆ بردنه‌وه‌ی نازناوه‌كه‌ بكه‌ین و به‌ هیچ شتێكی تری بێجگه‌ له‌وه‌ رازی نه‌بین.
پۆدۆلسكی كه‌ له‌ كۆلنه‌وه‌ په‌یوه‌ندی به‌ یانه‌ی ئه‌رسناڵی ئینگلیزییه‌وه‌ كرد گوتی هه‌ڵبژارده‌كه‌مان له‌ دوای یۆرۆی 1996 ه‌وه‌ هیچ نازناوێكی به‌ده‌ست نه‌هێناوه‌ و ئێستا كاتی ئه‌وه‌ هاتووه‌ به‌ بردنه‌وه‌ی نازناوێك كۆتایی به‌و وشكه‌ساڵییه‌ بێنین.
ئه‌و هێرشبه‌ره‌ تا ئێستا له‌ 98 یاریدا له‌ ساڵی 2004ه‌وه‌ بۆ هه‌ڵبژارده‌ی ئه‌ڵمانیا 43 گۆڵی تۆمار كردووه‌.
له‌ یۆرۆی 2012 هه‌ڵبژارده‌ی ئه‌ڵمانیا له‌ كۆمه‌ڵه‌ی دووه‌م له‌ پاڵ هه‌ریه‌ك له‌ پورتوگال و هۆڵه‌ندا و دانیمارك یاری ده‌كات.