جۆناسان بارنێتی به‌رِێوه‌به‌ری كاره‌كانی گاریس به‌یڵی یاریزانی یانه‌ی تۆتنهام هۆتسپێری ئینگلیزی ئاشكرای كرد یانه‌ی به‌رشه‌لۆنه‌ پێویسته‌ له‌سه‌ری 45 ملیۆن یۆرۆ بدات ئه‌گه‌ر ده‌یه‌وێ به‌یڵ بباته‌ ریزه‌كانی خۆیه‌وه‌.
ناوی ئه‌و یاریزانه‌ به‌هره‌مه‌نده‌ ته‌مه‌ن 23 ساڵه‌ به‌ یانه‌ی به‌رشه‌لۆنه‌وه‌ به‌ستراوه‌ته‌وه‌ له‌ گواستنه‌وه‌ی هاوینه‌ی ئه‌مساڵدا.
بارنیت له‌ لێدوانی بۆ رۆژنامه‌ی ته‌لیگرافی به‌ریتانی گوتی ده‌ڵێن به‌رشه‌لۆنه‌ 35 ملیۆن یۆرۆی داوه‌ بۆ كرِینی به‌یڵ، به‌ڵام من پێم وایه‌ ده‌بێ ئه‌و پاره‌یه‌ 45 ملیۆن یۆرۆ بێت.
مووچه‌ی هه‌فتانه‌ی به‌یڵ له‌ یانه‌ی تۆتنهام 88 هه‌زار پاوه‌نده‌.
به‌یڵ یه‌ك له‌ یاریزانه‌ هه‌ره‌ دیار و داواكراوه‌كانی ئێستای ئه‌وروپایه‌ و سه‌رچاوه‌كان له‌و برِوایه‌دان نرخی ئه‌و یاریزانه‌ له‌ وه‌رزی ئه‌مساڵدا له‌ 40 ملیۆن پاوه‌ند كه‌متر نییه‌.