هەوڵەكانی یانەی مانچستەر یونایتد بۆ نوێكردنەوەی گرێبەستی لویس نانی یاریزانی یانەكە تا ئێستا شكستی هێناوە دوای ئەوەی ئەو یاریزانە كە گرێبەستەكەی لە دوای ساڵ و نیوێكی تر كۆتایی دێت بە مووچەی 90 هەزار پاوەندی هەفتانە رازی نەبوو.
نانی پورتوگالی داوای 130 هەزار پاوەندی هەفتانە دەكات بۆ ئەوەی لە یانەكەدا بمێنێتەوە و گرێبەستەكەی بۆ 4 ساڵی تر نوێ بكاتەوە، بەڵام ئەم داوایە لەلایەن كارگێڕیی یانەكەوە رەتكراوەتەوە.
رۆژنامەی دەیلی میلی بەریتانی ئاشكرای كردووە كە یانەكە ملی رەزامەندی بۆ رۆیشتنی نانی لە ریزەكانی داوە و ئەو یاریزانە 25 ساڵە لە هاوینی ئەمساڵدا یانەكە جێدەهێڵێت.
رۆژنامەكە هەروەها دەڵێ مان یو بڕیاری داوە ئەگەر گرێبەستێكی 30 ملیۆن یۆرۆییی پێبگات دەستبەرداری ئەو یاریزانە دەبێت.
لەلایەكی ترەوە رۆژنامەكە روونی كردووەتەوە كە هەردوو یانەی میلان و ئینتەرمیلانی ئیتاڵی پرسیاریان لە نرخی نانی كردووە و ویستیانە لە هاوینی ئەمساڵدا بیبەنە ریزەكانی خۆیانەوە.