بەسەرپەرشتی یەكێـتی ناوەندی تۆپی پێی كوردستان لەسەر یاریگای بارزان لەشاری زاخۆ، یاری كۆتایی جامی یانەكانی كوردستان لەنێوان هەردوو یانەی زاخۆ و دهۆك بەڕێوەچوو، لەم یاریەشدا ژمارەیەكی یەكجار زۆری وەرزش دۆست و هاندەرانی هەردوو یانە ئامادەی یارییەكە بوون، لەم یاریەشدا یاریزانانی هەردوو یانە ئاستێكی بەرزیان لەیارییەكە پێشكەشی ئامادەبووان كرد، لەم ناوەشدا یانەی زاخۆ توانی باڵا دەستی خۆی لەیارییەكە بسەلمێنێت و یارییەكە بەئەنجامی (2-0)گۆڵ بباتەوە، گۆڵەكانی زاخۆ لەڕێگای هەریەك لەیاریزانان (بارزان شێرزاد و هەردی نورەدین)لەخولەكەكانی 2و67تۆمار كرا، لەیارییەكەشدا هاندەرانی یانەی زاخۆ بەدرێژایی یارییەكە هانی تیپەكەیانداو بوونە هۆكارێك بۆسەركەوتن لەم یارییە و یانەی زاخۆ بۆ دووەم وەرز لەسەر یەك نازناوی جامی كوردستانی بەدەستهێنا، لەكۆتاییشدا لایەن بەرپرسانی ئامادەبوو خەڵات و دیاری بەسەر یاریزانان و یانە سەركەوتووەكان دابەشكرا.