شینگی كاگاوای ئەستێرەی ژاپۆنی یانەی برووسیا دۆرتمۆند ئاشكرای كرد چاوی بە سێر ئەلێكس فێرگسۆنی راهێنەری یانەی مانچستەر یونایتد كەوتووە.
كاگاوا گوتی ئەو راهێنەرە سكۆتلەندییە لە كاتی چاوپێكەوتنیان لە مانچستەر كە ماوەی 2 كاژێری خایاند قسەی زۆر جوانی بەرامبەر كردم.
كاگاوا كە تا ئێستا گرێبەستەكەی لەگەڵ دۆرتمۆند نوێ نەكردووەتەوە دووپاتی كردەوە كە چاوپێكەوتنی فێرگسۆن شتێكی زۆر باش بووە بۆ ئەوەی بە تەواوی بیر لە داهاتووی خۆی بكاتەوە بەرلەوەی هیچ بڕیارێك بدات.
ئەو یاریزانە ژاپۆنییە تەمەن 23 ساڵە كە ئەمساڵ 17 گۆڵی بۆ یانەكەی تۆمار كرد، روونی كردەوە دەستەوارەی چەند یانەیەكی ئینگلیزی بەدەست گەیشتووە، لەوانەش دەستەوارەی چێڵسی و ئەرسناڵ و هەروەها میلانی ئیتاڵیش.
بەپێی رۆژنامەكانی ئەڵمانیا یونایتد بڕی 6 ملیۆن پاوەندی داوە بۆ گرێبەستكردن لەگەڵ ئەو یاریزانە بۆ ماوەی 3 ساڵ و ئەو یاریزانە ساڵی 2010 بە 350 هەزار یۆرۆ پەیوەندی بە یانەی دۆرتمۆندەوە كرد.