سەرچاوە رۆژنامەوانییەكانی ئیسپانیا ئاشكرایان كرد یانەی چێڵسی ئینگلیزی ئامادەی بڕی 15 ملیۆن یۆرۆ و فرناندۆ تۆرێس بداتە یانەی ئەتلەتیكۆ مەدرید لە پێناو هێنانی رادۆمیل فالكاوی ئەستێرەی كۆڵۆمبی یانەكە لە ماوەی گواستنەوەی هاوینەی ئەمساڵدا.
فالكاو نەك هەر لە نێو ئیسپانیا، بەڵكە لە ئەوروپاشدا شوێنپێیەكی گەورەی بۆخۆی داگیر كرد و لە وەرزی ئەمساڵدا سێیەم گۆڵكەری خولی ئیسپانی بوو بە 24 گۆڵ لە دوای میسی 50 گۆڵ و رۆناڵدۆ 46 گۆڵ.
هەروەها نازناوی گۆڵكەری خولی ئەوروپی بەدەست هێنا كە لەگەڵ یانەكەیدا توانی لە وەرزی ئەمساڵدا ئەو نازناوە بباتەوە.
فالكاو وەرزی رابردووش لە یانەی پۆرتۆ هەمان نازناوی بەدەست هێنا و تۆماركەری گۆڵی بردنەوەی یانەكەی بوو لە یاری كۆتاییدا.
هاوینی رابردوو لە یانەی پۆرتۆوە پەیوەندی بە یانەی ئەتلەتیكۆ مەدریدەوە كرد.