ئۆزێل بووە باشترین پلەی مەیكەری خولی ئیسپانی
ئۆزێل كە ئەمساڵ ئاستێكی بەرزی لەگەڵ ریال مەدریدا پێشاندا و رۆڵی هەبوو لەوەی یانەكەی نازناوی خولی ئیسپانی بباتەوە، دوو ساڵ لەمەوپێش لە یانەی ڤێردەربرێمەنی ئەڵمانییەوە پەیوەندی بە یانەی ریال مەدریدەوە كرد.
ئەو ژمارە زۆرەی گۆڵ دروستكردن لە یانەكەدا، بووە هۆی ئەوەی 3 ئەستێرەی ریال مەدرید كە بریتین لە رۆناڵدۆ و هیگواین و بنزیمە ببنە بەهێزترین سیانەی هێرشبەر لە مێژووی تۆپی پێدا و رۆناڵدۆ 46 گۆڵ و هیگواین 22 گۆڵ و بنزیمە 21 گۆڵیان تۆمار كرد كە پێشتر هیچ هێڵێكی هێرشبەر نەگەیشتووەتە ئەو ژمارەیە.
ئۆزێل لە ئیسپانی پێش میسی كەوت كە 15 تۆپ ناردنی یەكلاكەرەوەی هەیە و دەتوانێ ببێتە باشترین پلەی مەیكەری ئەوروپاش ئەگەر ئیدین هازاردی ئەستێرەی یانەی لیلی فەرەنسی لە دوا گەڕی خولی فەرەنسیدا هیچ گۆڵێك بۆ هاوڕێكانی دروست نەكات كە ئەمیش 15 گۆڵی دروست كردووە.
