رۆژنامه‌ی لیكیپی فه‌ره‌نسی ئاشكرای كرد یانه‌ی بایرن میونشنی ئه‌ڵمانی ده‌یه‌وێ نووری شاهینی یاریزانی یانه‌ی ریال مه‌دریدی ئیسپانی بكرِێت له‌ هاوینی ئه‌مساڵدا.
رۆژنامه‌كه‌ ئاشكرای كردووه‌ یانه‌ باڤارییه‌كه‌ ئاماده‌یه‌ برِی 10 ملیۆن یۆرۆ بدات بۆ گرێبه‌ستكردن له‌گه‌ڵ ئه‌و یاریزان توركییه‌ له‌ هاوینی ئه‌مساڵدا.
شاهین له‌ وه‌رزی ئه‌مساڵدا ژماره‌یه‌كی زۆر كه‌م یاری بۆ ریال مه‌درید كردووه‌، ئه‌مه‌ش دوای ئه‌وه‌ی بۆ ماوه‌یه‌كی زۆر دووچاری پێكان هات و له‌ دوای گه‌رِانه‌وه‌شی ئاستی وه‌ك پێویست نه‌بوو.
چه‌ندین یانه‌ی ئه‌وروپی هه‌وڵی گرێبه‌ستكردن له‌گه‌ڵ ئه‌و یاریزانه‌ ده‌ده‌ن له‌به‌رئه‌وه‌ی له‌ پێشوو له‌ كاتی یاریكردنی له‌ یانه‌ی برووسیا دۆرتمۆند ئاستێكی به‌رزی پێشان ده‌دات.
یانه‌كانی گه‌ڵاته‌ سه‌رای توركی و ئینته‌رمیلانی ئیتاڵی پێشتر ویستی خۆیان بۆ كرِینی شاهین ئاشكرا كردبوو، به‌ڵام بایرن میونشن پێی وایه‌ شاهین ده‌سته‌واره‌یه‌كی گه‌وره‌ ده‌بێت بۆ كۆتایی هێنان به‌ باڵاده‌ستیی برووسیا دۆرتمۆند.