ئینزاگی و گاتۆزۆ میلان جێده‌هێڵ
پێشتریش ئه‌لیساندرۆ نێستای به‌رگریكه‌ری قاڵی هه‌مان یانه رۆیشتنی له ریزی یانه‌كه ئاشكرا كردبوو.
ماڵپه‌ری میلانۆ له‌سه‌ر تۆرِی ئینته‌رنێت گوتی ئینزاگی 38 ساڵ له كاتی رۆیشتنیدا بۆ جه‌ماوه‌ری یانه‌كه گوتی ده‌مه‌وێ دڵنیابن له‌وه‌ی كه من ته‌نیا بۆ تیپه‌كه‌م یاریم كردووه.
هه‌روه‌ها گوتی یاریكردن به‌بێ هه‌ست هیچ مانایه‌كی نییه، به‌ڵام من و ئێوه به یه‌ك شێوه كارمان بۆ یانه‌كه كردووه و هه‌رده‌م ئێمه هاوتا بووین و ئه‌وه‌ش هه‌رگیز ناگۆرِێت.
گاتۆزۆی ته‌مه‌ن 34 ساڵ گوتی ساتی رۆیشتن هاتووه و بۆ ماوه‌ی ساڵێك دوور ده‌كه‌ومه‌وه و دوای ئه‌وه‌ش نازانم روو له كوێ ده‌كه‌م.
ئه‌و دوو یاریزانه له‌گه‌ڵ میلاندا دوو جار نازناوی خولی ئیتاڵی و دووجار نازناوی خولی یانه پاڵه‌وانه‌كانی ئه‌وروپایان له ماوه‌ی 10 ساڵ مانه‌وه به‌ده‌ست هێناوه، له‌گه‌ڵ هه‌ڵبژارده‌ی ئیتاڵیاش نازناوی مۆندیالی 2006یان به‌ده‌ست هێناوه.
