رۆژنامه‌ی فیچاجیزی ئیسپانی ئاشكرای كردووه‌ جۆزێ مۆرینۆی راهێنه‌ری یانه‌ی ریال مه‌دریدی ئیسپانی ویستێكی زۆری هه‌یه‌ بۆ هێنانی باستیان شڤانشتایگه‌ر بۆ ریزه‌كانی یانه‌كه‌ی و ده‌یه‌وێ ئه‌مه‌ به‌ر له‌ یارییه‌كانی یۆرۆی 2012 بكات كه‌ هاوینی ئه‌مساڵ به‌رِێوه‌ده‌چێت.
مۆرینۆ ده‌یه‌وێ شڤاینی بخاته‌ پاڵ هه‌ریه‌ك له‌ مه‌سعوود ئۆزێل و سامی خدیره‌ كه‌ هه‌ردووكیان ئه‌ڵمانین و له‌ وه‌رزی ئه‌مساڵ و وه‌رزی رابردوودا ئاستێكی به‌رزیان له‌گه‌ڵ یانه‌كه‌دا پێشه‌شكرد.
به‌پێی رۆژنامه‌كه‌ فلۆره‌نتینۆ پێرێزی سه‌رۆكی یانه‌ی ریال مه‌درید ره‌زامه‌ندی له‌سه‌ر كرِینی ئه‌و یاریزانه‌ داوه‌ و رازی بووه‌ دانوستان له‌گه‌ڵیدا ده‌ست پێبكرێت. به‌ڵام رۆژنامه‌كه‌ ده‌ڵێ كێشه‌كه‌ ئه‌وه‌یه‌ كه‌ بایرن میونشن وا به‌ ئاسانی ده‌ستبه‌رداری ئه‌و یاریزانه‌ نابێت كه‌ یه‌كێكه‌ له‌ یاریزانه‌ سه‌ره‌كییه‌كانی پێكهاته‌كه‌ی.