ئه‌نچیلۆتی خه‌ون به هێنانی مۆدریچه‌وه ده‌بینێت تا له پاڵ پاستۆریدا یاری بكات
رۆژژنامه‌ی ده‌یلی ته‌له‌گرافی به‌ریتانی ئاشكرای كردووه كه كارلۆ ئه‌نچیلۆتی راهێنه‌ری یانه پاریسییه‌كه متمانه‌ی ته‌واوی به ئاست و توانای یاریكردنی مۆدریچ هه‌یه و پێی وایه گونجاوترین كه‌سه بۆ به‌هێزكردنی هێڵی هێرشبه‌ری یانه‌كه‌ی و له‌گه‌ڵ خافێر پاستۆری ئه‌رجه‌نتینیدا هێزێكی هێرشبه‌ری مه‌ترسیدار دروست ده‌كه‌ن.
هه‌روه‌ها ده‌ڵێ ئه‌و ئاسته‌ی مۆدریچی ته‌مه‌ن 26 ساڵ له وه‌رزی ئه‌مساڵدا پێشكه‌شی ده‌كات سه‌رنجی هه‌موو یانه‌كانی به‌لای خۆیدا راكێشاوه و له نێویاندا یانه‌ی مانچسته‌ر یونایتدی ئینگلیزی كه پێویستی زۆری به ئاستی ئه‌و یاریزانه هه‌یه.
رۆژنامه‌كه زیاتر روونی كردووه‌ته‌وه كه مۆدریچ بیر له رۆیشتن له تۆتنهام ده‌كاته‌وه له كۆتایی وه‌رزی ئه‌مساڵدا و ماوه‌یه‌كی زۆر ده‌یه‌وێ له یانه‌یه‌ك یاری بكات كه بتوانێ نازناوه‌كان بباته‌وه.
